Feira do Produto Galego
O Festigal estrea nesta edición 2025 a Feira do Produto Galego, unha iniciativa para promover os produtos do país elaborados de maneira artesanal.
Se estás interesada ou interesado en participar, estas son as bases.
Inscrición Feira Produto Galego Festigal 2025
BASES DE PARTICIPACIÓN
FEIRA DO PRODUTO GALEGO DO FESTIGAL 2025
1. Obxecto
O obxecto das presentes bases é a regulación dos requisitos e condicións, así como o procedemento para a participación na Feira do Produto Galego do Festigal.
2. Obxectivos da Feira do Produto Galego
– Promover os produtos galegos elaborados de maneira artesanal, garantindo ao público do Festigal produtos de calidade.
– Complementar a exposición e venda de produtos con actividades prácticas complementarias tales como obradoiros, demostracións, catas ou exhibicións. Impulsar a realización de charlas, coloquios, encontros ou outras actividades orientadas a fomentar un modelo de consumo e produción responsábel.
3. Lugar, data de celebración e horario
– A data de celebración será o 25 de xullo de 2025
– O lugar de celebración será o recinto do Festigal (en Santiago de Compostela, no Campus Vida).
– O horario de mercado será de 15:00 a 21:00
4. Requisitos dos participantes
– A Feira do Produto Galego está destinada á alimentación, saúde e benestar. Os postos de exposición terán que ter unha vinculación directa a esta tipoloxía. As persoas produtoras, elaboradoras ou transformadoras dadas de alta polo CRAEGA deben achegar o documento acreditativo. Aquelas que elaborando os seus produtos de forma ecolóxica ou artesanal non teñan o certificado, deben asinar unha declaración xurada.
– As persoas que vendan produtos recollidos no decreto 125/2024 do 4 de setembro, polo que se regula en Galiza a venda directa dos produtos primarios desde as explotacións á persoa consumidora final, deberán presentar a comunicación de alta na Sección de Explotacións acollidas á Sección de Venda Directa (SEVEDI).
– Outros: calquera outra actividade que non se inclúa nos sectores anteriores e que desexe participar na Feira do Produto Galego deberá presentar os motivos polos cales considera que os seus produtos son aptos para a súa exposición na feira e a organización decidirá sobre a súa admisión.
5. Normas xerais de funcionamento
– A admisión de solicitudes fundamentarase no número de localizacións dispoñíbeis, diversificación dos produtos expostos e maior adecuación ao evento.
– A organización será responsábel da distribución dos postos, atendendo a criterios de conveniencia e funcionalidade. O mesmo día do mercado, a organización coordinará a ubicación precisa do posto.
– Os postos poderán propoñer á organización actividades e talleres que completen o avance de programación da feira.
– Os postos deben cumprir toda a normativa sanitaria relativa á manipulación de alimentos e comercializar exclusivamente produtos artesanais de elaboración propia. Non se permite a revenda de produtos.
– Os vehículos deberán ser retirados tan pronto como se descargue e só poderán estar no recinto durante as operacións de montaxe e desmontaxe da feira.
– A organización facilitará unha carpa na que se ubicará a feira, mesas de 1.80m *0.80m.
– É requisito imprescindíbel deixar a zona ocupada totalmente libre de calquera tipo de residuo unha vez rematado o mercado.
– Tanto a montaxe como desmontaxe dos postos correrá a cargo dos participantes, contando en todo momento coa colaboración da organización.
-As operacións de montaxe dos postos participantes serán as seguintes:
▪ Montaxe: día da feira, de 9:30 ás 11:00
▪ Desmontaxe: día da feira, de 21:00 ás 22:30
– Os produtos que precisen de conexión eléctrica deberán indicar na solicitude que aparello electrónico traerán e que potencia ten.
6. Procedemento de solicitude
– A solicitude farase en prazo e forma a través do formulario que está dispoñíbel nesta ligazón.
7. Prazo
– O prazo para a presentación de solicitudes será desde o luns 14 de abril até o 31 de maio (ámbolos dous días incluídos).
8. Pagamento
– A participación na Feira do Produto Galego ten un custo de 130€, e deberá ingresarse antes da data de realización a través dos medios que se indiquen unha vez a solicitude sexa aceptada.
9. Procedemento de valoración e admisión de solicitudes
– A valoración das solicitudes é competencia exclusiva da organización, e efectuarase conforme aos
requisitos e criterios preferentes que se establecen a seguir:
◦ Acreditación de etiquetado en galego.
◦ Territorialidade da explotación e da produción.
◦ Calidade dos produtos
◦ Sostibilidade social e ambiental do proceso produtivo.
◦ Seguridade e hixiene dos produtos.
◦ Variedade da oferta e diversificación do produto.
10. Dereitos e obrigas dos postos
– A exposición e venda dos produtos.
– A venda e/ou exposición dos produtos elaborados que fosen relacionados de xeito indicativo na solicitude de participación presentada, non admitíndose baixo ningún concepto a revenda de produtos non propios ou que non sexan de elaboración artesanal.
– A decoración do posto é de exclusiva responsabilidade do expositor e sempre deberá manter unha estética acorde coa filosofía do festival.
– Que o posto permaneza aberto e debidamente atendido durante a celebración da feira.
– Non realizar accións que alteren ou impidan o desenvolvemento ordinario da feira.
– Presentar o produto(s) á venda respectando as normas de hixiene e seguridade. De non cumprirse, a organización pode tomar a decisión de pechar o posto.
– Coidar e colaborar no mantemento e boa conservación do ámbito onde se celebra a feira.
