Este artista de pop urbano en galego promete traer o Festigal “unha música coa que o público non parará de bailar e moverse”. Cun estilo que mistura ritmos clásicos como o punk con outros máis modernos como o hyperpop ou o trap, as letras de Filloas abordan as súas experiencias persoais cons mensaxes positiva que buscan sacar un sorriso.

Estes rapaces dos anos 90 defenden unha música feita de raíz e a creación contemporánea poñendo en valor a tradición da música tradicional galega. Con influencias que van dende as músicas do Magreb, pasando polo rock saharaui até melodías cubanas, a banda asegura ter os pés na nosa terra pero unha mirada global con sons de todo o mundo.

Unha experiencia musical, visual e performativa en diálogo coa música tradicional galega. Así define este artista, cantareiro e bailador o seu primeiro traballo discográfico ‘Ardén’, unha proposta íntima e irreverente a un tempo, e un relato de resistencia e celebración que trae ao Festigal 2024. “Hónranos o resistir na terra e o orgullo de ser a valentía de estar ardentes”, afirma.

Rebeliom do Inframundo traerá ao Festigal un dos directos máis enérxicos do panorama musical galega coas súas “letras insubmisas sobre o son das rúas”, tal como se define a propia banda, que teñen no seu cuarto álbum ‘Amor ou barbarie’ a súa máxima expresión.